Cebu City Dep-Ed Supt. Rances and Her Ignorance

Renil Bandiez Oliva
Secretary-General
ANAKBAYAN Cebu

Sama ka haw-ang sa bangkat nga walay unod ug kulang sa kahibalo sa katungod sa mga magtutudlo ang pagsaway ni Cebu City Schools Division Superintendent Doctor Lorna Rances sa mga magtutudlo nga nangayo sa ilang makatarunganon nga umento sa sweldo pinaagi sa parpursigi ug pag-awhag sa kongreso ug senado nga dali-on ang pagpasar sa mga balaodnon alang sa umento nga P 9,000 kada bulan.

Sa iyang punto nga dili na kinahanglanon nga maghugpong pa ang magtutudlo aron mupakita sa hiniusang kusog niini alang sa pagpadalai sa ilang demanda, usa ka ignoranteng baruganan ug pamahayag. Nagtudlo si Rances sa pagpakahilum nalang sa magtutudlo ug empleyado sa sector sa edukasyon. Sa iyang pagka Doctor of Education nakalimtan na niya ang Constitutional Right ug Magna Carta sa mga magtutudlo alang sa katungod sa pagtingog, pag-organisa ug paglihok alang sa kaayuhan sa mga magtutudlo.

Dili nato mabasol ni Rances nga dili siya mo encourage nga dunay mga progresibong ug militanteng kahugpungan ang mga magtutudlo ug kabatan-unan kay mahadlok siyang mabulgar ang mga binultong anomaliya sa edukasyon particular ilawom sa iyang hurisdiksyon sama sa pinugos ug iligal nga koleksyon sa PTCA ug wala paghatag sa saktong budget sa mga iskwelahan matag tuig sama sa Personal Services ug Maintenance and Other Operational Expenses nga minilyon ka pesos, nga kini'y mga rason nga pugson nalang pagpangolikta ang mga ginikanan pinaagi sa PTCA.

Among gihagit si Doctor Lorna Rances nga mubarog pabor sa mga magtutudlo ug sa mga ginikanan pinaagi sa pagsilot sa mga principal nga nalambigit sa pinugos nga koleksyon sa PTCA ug ang walay klarong pagkwenta asa gidapat ang mga kinulikta. Kay ang pagpalambo sa Sektor sa edukasyon wala manukad sa atong pagpakahilum nalang.

Ug aron dili mapugos sa paglayas ang mga bangiitang magtutudlo aron motrabaho sa laing nasud, hugot namong gisuportahan ang panawagan sa Alliance of Concerned Teachers ACT sa ilang makatarunganon nga panawagan alang sa pagpasar na sa mga balaudnon diha sa kongeso ug Counter part sa Senado nga una nang giduso nila ni Kong. Luz Ilagan ug Liza Maza sa Gabriela Womens Partylist, Satur Ocampo ug Teddy Casinio sa Bayan Muna Partylist ug Rafael Mariano sa Anakpawis partylist.